རྒྱ་རིགས་ལ་འབྲེལ་གཏུགས

བོད་དོན་གསལ་རྟོགས་ཆེད་རྒྱ་རིགས་མི་དམངས་ལ་འབྲེལ་གཏུཌ།

RFA རཱུང་འཕྲིན་ཁང་།

བཙན་བྱོལ་བོད་གཞུང་གི་བོད་རྒྱ་འབྲེལ་མོལ་སྐུ་ཚབ་ངོས་ནས་རྒྱ་རིགས་མི་

མང་ལ་ཐད་ཀར་འབྲེལ་གཏུགས་ཀྱི་བོད་དོན་གསལ་རྟོགས་གནང་རྒྱུ།

༄༅༎བཙན་བྱོལ་བོད་གཞུང་གིས་རྒྱ་ནག་གཞུང་དང་མཉམ་སྔ་རྗེས་འབྲེལ་མོལ་ཐེངས་མང་གནང་ཡང་

རྒྱ་ནག་གཞུང་གིས་བཟང་ཕྱོགས་ཀྱི་ཡ་ལན་གང་ཡང་སྤྲད་མེད་སྟབས་ད་ཆ་བཙན་བྱོལ་བོད་གཞུང་གི་བོད་

རྒྱ་འབྲེལ་མོལ་སྐུ་ཚབ་ངོས་ནས་རྒྱ་རིགས་མི་མང་ལ་ཐད་ཀར་འབྲེལ་གཏུགས་ཀྱི་བོད་དོན་གསལ་རྟོགས་

གནང་རྒྱུ་ཡིན་པའི་གནས་ཚུལ་ཐོན་འདུག          བཙན་བྱོལ་བོད་གཞུང་གི་བོད་རྒྱ་འབྲེལ་མོལ་སྐུ་ཚབ་

་བཟང་རྒྱལ་མཚན་ལགས་དེང་ཉི་ཧོང་ཁུལ་དུ་ཕེབས་གནང་ཡོད་པ་དང་རེས་གཟའ་ལྷག་པའི་ཉིན་ཁོང་

གིས་ཉི་ཧོང་གི་རྒྱལ་ས་ཀྲོག་ཡོ་རུ་གསར་འགོད་ལྷན་ཚོགས་ཤིག་གི་ཐོག་བོད་རྒྱ་འབྲེལ་མོལ་གྱི་གནས་བབ་

སྐོར་ངོ་སྤྲོད་གནང་ ཡོད་པ་རེད།  སྐུ་ཚབ་སྐལ་བཟང་རྒྱལ་མཚན་ལགས་ཀྱིས་གསུངས་ན་སྔ་ལོ་བོད་རྒྱ་འབྲེལ་

མོལ་ཐེངས་བརྒྱད་པའི་ཐོག་གྲུབ་འབྲས་གང་ཡང་ཐོན་མེད་པ་མ་ཟད་ད་ཆ་རྒྱ་ནག་གཞུང་གིས་ཞི་མོལ་མུ་

མཐུད་གནང་རྒྱུའི་གྲ་སྒྲིག་ཡོད་མེད་སྐོར་བརྡ་ལན་གང་ཡང་མེད་པ་རེད། བཙན་བྱོལ་བོད་གཞུང་ངོས་ནས་

རྒྱ་ནག་་དང་དོན་དམ་གྱི་ཞི་མོལ་གནང་རྒྱུའི་གྲ་སྒྲིག་ཡོད་མུས་ཡིན་ཡང་ཆབས་ཅིག་རྒྱ་ནག་གཞུང་ཕྱོགས་

ནས་ཞི་མོལ་གནང་འདོད་ཡོད་མིན་སྐོར་གསལ་ཁ་གང་ཡང་མེད་པར་སོང་བཙན་བྱོལ་བོད་གཞུང་གི་བོད་

རྒྱ་འབྲེལ་མོལ་སྐུ་ཚབ་ངོས་ནས་རྒྱ་རིགས་མི་མང་ལ་བོད་དོན་གསལ་རྟོགས་སླད་ཐད་ཀར་འབྲེལ་གཏུགས་

ཀྱི་ལས་དོན་རྒྱ་ཆེར་གཏོང་རྒྱུ་ཡིན་སྐོར་འགྲེལ་བརྗོད་གནང་བ་ཞིག་རོའུ་ཀྲར་གསར་ལས་ཁང་གིས་གནས་

ཚུལ་སྤེལ་འདུག           སྐུ་ཚབ་སྐལ་བཟང་རྒྱལ་མཚན་ལགས་ཀྱིས་རྒྱ་རིགས་མི་མང་ལ་བོད་དོན་གསལ་

རྟོགས་ཀྱི་ལས་དོན་ནང་རྒྱལ་སྤྱིའི་ཡུལ་ཁག་ནང་རྒྱ་རིགས་དང་བོད་རིགས་མཐུན་ཚོགས་གང་མང་གསར་

འཛུགས་གནང་ཐབས་དང་དེ་བཞིན་བོད་ཀྱི་ནང་ཆོས་དང་རིག་གཞུང་སྐོར་རྒྱ་ཡིག་ཐོག་གང་མང་དཔར་

བསྐྲུན་གནང་རྒྱུ་ཡིན་པ་བཅས་གསལ་འདོན་གནང་བཞག།